मौजे.सारोळा मांडवा येथे कार्यालयाची स्वच्छता करून केली राष्ट्रसंत गाडगे महाराज जयंती साजरी!

 मौजे.सारोळा मांडवा येथे कार्यालयाची स्वच्छता करून केली राष्ट्रसंत गाडगे महाराज जयंती साजरी!

अभय वार्ता वृत्तसेवा /वाशी

 मौजे सारोळा मांडवा सेलू येथील ग्राम महसूल अधिकारी डी व्ही पाटील यांनी राष्ट्रसंत गाडगे महाराज यांच्या जयंतीनिमित्त आपले कार्यालय स्वच्छ करून राष्ट्रसंत गाडगे बाबा चे विचार गावकऱ्यांना समजावून सांगितले. राष्ट्रसंत गाडगेबाबा नेहमी समाज स्वच्छतेचे, अंधश्रद्धा निर्मूलनाचे आणि निःस्वार्थ सेवाभावाचे प्रतीक असलेल्या संत गाडगे बाबा यांची जयंती. त्यांचे मूळ नाव देबूजी झिंगराजी जानोरकर. त्यांनी आपल्या आयुष्याचा प्रत्येक क्षण समाज जागृतीसाठी अर्पण केला.

स्वच्छतेचा संदेश.

गाडगे बाबा जिथे जात तेथे प्रथम हातात झाडू घेऊन गाव स्वच्छ करत. “देवळात जाण्यापूर्वी गाव स्वच्छ करा” हा त्यांचा स्पष्ट संदेश होता. त्यांच्या मते खरी पूजा म्हणजे स्वच्छता, प्रामाणिकपणा आणि सेवाभाव. त्यांनी लोकांना सांगितले की, देव दगडात नसून माणसाच्या सेवेत आहे.

अंधश्रद्धेविरुद्ध लढा.

त्यांनी कीर्तनांच्या माध्यमातून अंधश्रद्धा, जातिभेद, व्यसनाधीनता आणि दिखाऊ धर्माचार यावर प्रहार केला. साधे वस्त्र, फाटकी चादर, आणि खांद्यावर झोळी—यातूनच त्यांनी समाजाला मोठा संदेश दिला की महानता वेशात नसून विचारात असते.

शिक्षण व सेवा.

गाडगे बाबांनी मिळालेल्या देणग्या स्वतःसाठी कधीच वापरल्या नाहीत. त्या पैशातून त्यांनी धर्मशाळा, विद्यार्थ्यांसाठी वसतिगृहे, गोशाळा आणि गरीबांसाठी निवारा उभारला. त्यांचा जीवनमंत्र होता—“कमवा आणि समाजासाठी द्या.”

आजच्या काळातील प्रेरणा.

आज स्वच्छ भारत, सामाजिक समता आणि मानवतेचा विचार आपण करतो; पण गाडगे बाबांनी हे तत्त्व शंभर वर्षांपूर्वीच आचरणात आणले होते. त्यांचे जीवन आपल्याला शिकवते की परिवर्तन मोठ्या घोषणांनी नाही, तर छोट्या कृतींनी घडते.

संत गाडगे बाबा जयंतीनिमित्त आपणही एक संकल्प करूया—

स्वच्छता राखू, अंधश्रद्धा दूर करू, आणि आपले गाव आपला परिसर स्वच्छ करून गावातील वयोवृद्ध माणसाची काळजी घ्यावी. व शासनाच्या छत्रपती शिवाजी महाराज महाराजस्व समाधान शिबिर, मुख्यमंत्री बळीराजा शेत पांदण रस्ते, व इतर योजनेची गावकऱ्यांना माहिती दिली. त्यामुळे या कर्मचाऱ्यांच्या निस्वार्थ भावनेमुळे गावकऱ्यांनी समाधान व्यक्त केले.